Այս ցավոտ թեման կրկին արդիականություն ստացավ, երբ պարզ դարձան առաջիկա խորհրդարանական ընտրություններում մեծամասնական և համամասնական ընտրակարգի թեկնածուները: Այս պարագայում կոնկրետ անվանական թվարկումների կարիք դժվար թե զգացվի, քանի որ ժողովուրդը քաջածանոթ է բոլորին:
Միակը, թերևս, «Միավորված հայեր» կուսակցության համամասնական ընտրացուցակն է, որում օլիգախներ որպես այդպիսին չկան:
«Միավորված հայեր» կուսակցությունից փորձեցինք որոշ մանրամասներ իմանալ` կապված «զարմանալի» ընտրացուցակի հետ: «Այն, որ մեր համամասնական ցուցակում օլիգարխներ չկան, իրականում չպետք է զարմացնի ոչ մեկին: Մենք կարծում ենք, որ Ազգային Ժողովը պրոֆեսիոնալների և իրենց գործին քաջատեղյակ անձանց կարիքն ունի, ըստ այդմ` ցուցակում ընդգրկել ենք մեծամասամբ իրավաբանների, տնտեսագետների, գիտնականների: Բացի այդ, մեր ցուցակից դուրս չեն մնացել նաև կանայք և երիտասարդները, քանի որ մենք համոզված ենք, որ վերջիններս կարևոր ներուժ են հասարակական-քաղաքական կյանքում, և այդ ներուժը չօգտագործելը, մեղմ ասած, խելամիտ չի լինի»,- մեկնաբանեց ՄՀԿ նախագահ Ռուբեն Ավագյանը:
Նա նաև ավելացրեց, որ իրենք ոչ միայն իրենց շարքերում չունեն օլիգարխներ, այլև ամեն ինչ անելու են վերջիններիս գործունեությունը իրավական դաշտ բերելու համար, և դա ԱԺ-ում իրենց առաջնային անելիքներից և նպատակներից է: «Մենք պետք է մենաշնորհաօլիգարխիկ համակարգի զսպման միջոցով կարողանանք կայուն հիմքեր ստեղծել նաև փոքր և միջին բիզնեսի զարգացան համար, ինչի շնորհիվ կկարողանանք մեր հասարակությունում ձևավորել նաև միջին խավ»,- հավելեց պարոն Ավագյանը:
HayNews.am
"THE UNITED ARMENIANS" PARTY
"The Armenian nation has been deprived of independence for centuries but has always had its own legislation... Today we have an independent state. Let's create such legislation that will serve the people..."
Ruben Avagyan
Armenians unity in the legal country.
Statements » Իսկ ու՞ր են օլիգարխները
Մեր հասարակությունում կան բազմաթիվ պարադոքսներ, որոնցից հատկապես մեկը բավական ուշագրավ և վտանգավոր է: Չգիտես ինչու` ստացվել է այնպես, որ քաղաքական, տնտեսական, մշակութային «էլիտա» են դարձել օլիգարխները.
Նրանք շրջափակման մեջ են դրել հասարակական կյանքի բոլոր ոլորտները` չթողնելով, որ հասարակությունը «շնչի»: Ոչ մի պետությունում հավանաբար չես հանդիպի քաղաքական և տնտեսական ոլորտների այսչափ սերտաճում, ինչը պետության զարգացման և առաջընթացի թերևս ամենալուրջ խոչընդոտներից է: Արդյունքում հասարակության գիտական, մշակութային և մտավորական սերուցքը բոլորովին դուրս է մղվում հասարակական-քաղաքական կյանքից, այնինչ նրանց կարիքը աննկարագրելիորեն մեծ է: Եվ խնդիրն այն է, որ մեր օլիգարխների համար թիրախ են հանդիսանում ոչ միայն «օբյեկտները», «սուպերմարկետներն» ու «խաղատները», այլև պետական կառավարման ամենալուրջ օղակները` Ազգային Ժողով, Կառավարություն և հարակից շատ ու շատ այլ կառույցներ: